Kristjana Rúna,  Lífið

Blákaldur sannleikur fólks í fíknivanda og aðstandendur þeirra

Þegar manneskja missir tökin á áfengisneyslu sinni hvert leitar hún?

Þegar fólk á öllum aldri er með vímuefnavanda, hvert leita þau?

Þegar unglingarnir okkar hafa tekið fiktið á næsta stig og komið í óefni, hvert förum við með þau?

Þegar bindindismaður/kona fellur, hvert getur það fólk leitast eftir aðstoð ef þau geta ekki stoppað sjálf?

Þegar fólk ánetjast lyf sem þau nauðsynlega hafa þurft að taka, hvar er aðstoð að finna?

Þegar við þurfum ráðgjöf eða greiningu á vandanum, hver getur hjálpað?

Þegar fólk lendir á götunni út af neyslu sinni og vill svo stoppa, hvert á það fólk að fara?

 

 

Alkóhólismi finnst í flestum fjölskyldum

Flest okkar eiga fjölskyldumeðlimi eða vini sem glíma við áfengis/vímuefnavanda, eða kannski er þú með vanda, mörg okkar hafa alist upp á heimili þar sem mikil drykkja átti við sögu, fullt hús af fólki, drukkið fólk, drukknir foreldrar og mikil læti.

Ef það var ekki partí þá voru foreldrarnir sem drukku stift saman eða í sitthvoru lagi.

Þetta eru ekki góðar aðstæður fyrir lítil börn að vera í og veldur hjá þeim gríðarlegu óöryggi og getur haft slæmar afleiðingar í för með sér alveg til fullorðins aldur.

En hvert getum við leitað sem búum inn á svona heimili, eða erum þetta foreldri sem drekkur stíft á heimilinu?

Ertu farin að fela drykkjuna fyrir heimilismönnum, notar kannski bolla eða felur dósirnar hér og þar í skápum og skúffum.

Hvert er þá hægt að leita þegar uppgjöfin er orðin algjör, kemst ekki af án þess að fylla á alkahól magnið í líkamanum, eða kókaínið í blóðinu, örvandi amfetamínið  bara til að geta stígið upp úr rúminu.

Eða hreinlega nærð ekki að sleppa helgi í drykkju, eða að kvöldið endar alltaf í ósköpum.

Sannleikurinn er sá að það sem ég hef talið upp hér að ofan snertir mörg þúsund manns, það er ekki bara sá sem á við vandann, heldur alla í kringum hann.

Eini staðurinn sem getur aðstoðað bæði fíkla og aðstandendur, veitt læknishjálp, afeitrun, meðferð og greiningu er SÁÁ ,Göngudeildin Von, Sjúkrahúsið Vogur og Vík.

Þar starfar fólk með áratuga reynslu, menntaðir læknar, hjúkrunarfræðingar, sjúkraliðar, sálfræðingar, geðlæknir, ráðgjafar, læknaritarar og ekki má gleyma því mikilvæga starfi sem móttökuritarar gegna líka, það er fyrsta fólkið sem þú talar við þegar þú hringir og biður um aðstoð, veitir þér allar þær upplýsingar sem þú vilt vita í sambandi við komandi tíma fyrir þig, tekur á móti fólki sem er komið á botninn og hlustar á þig og þínar áhyggjur, eins og allir innan Sáá gera.

Einskær umhyggja og vilji til að hjálpa öðrum er tilstaðar hjá þessu flotta fólki sem þar starfar því ekki eru launin há, eiginlega skammarlega lág og ekki í samræmi við þá ábyrgð eða álag sem það þarf að takast á við.

Ég hef verið svo lánsöm að fá að starfa innan Sáá, ég lærði mikið á þessum tíma, upplifði mikla gleði þegar fólk náði að tileinka sér meðferðina og komast út í samfélagið aftur og takast á við lífið, og sorg þegar fólk lætur lífið að völdum neyslunnar, sem gerist alltof oft.

Að hafa tekið á móti ungu fólki  sem lætur svo lífið, nístir inn í hjarta, ungt og fallegt fólk sem leitaðist í efni, en leiddi þau svo að endastöð lífsins.

 

 

 

Vöntun á fjármagni drepur

 

Mikil umræða hefur verið um hversu fjársvelt Sáá er frá hálfu ríkisins, þau hafa fjármagn fyrir 1.530 innlagnir á ári en tekið er inn 2.200 sem Sáá fjármagnar sjálft.

Hvernig má það vera að svona gríðarlega mikilvæg stofnun fær ekki það fjármagn sem það þarf til að huga að fólkinu okkar með vanda og aðstandendum?

Hvernig er hægt að réttlæta engar aðgerðir yfirvalda sem veldur þess að göngudeildin á Akureyri þarf að loka, biðlistinn inn á Vog hefur aldrei verið lengri og fólkið okkar deyr á meðan beðið er.

Börnin okkar, systkini, foreldrar, ömmur, afar, frændur og frænkur deyja, já deyja vegna þess það þurfti að bíða mánuðum saman á biðlista.

Þetta er með öllu ósættanleg staða i samfélaginu, staðan var slæm þegar ég byrjaði að vinna hjá SÁÁ og tveimur árum seinna þegar ég hætti þar hafði biðlistinn tvöfaldast.

6 mánuðir í bið fyrir fólk sem þarf hjálp helst núna , það segir sig sjálf hversu mikil hætta er á dauðsföllum.

Ég mun aldrei skilja hvernig hægt er að setja Sáá og okkur  í þessa stöðu,  hjálpið þessa stofnun í dag kæru þingmenn, sjúkratryggingar og velferðaráðuneytið,  alltof margir hafa dáið, ekki viljið þið að fleiri deyja út af þið tímíð ekki að setja meiri pening í fólk með vanda og fjölskyldur þeirra, en það er blákaldur sannleikurinn í dag.

 

Takið ábyrgðina til ykkar og sýnið í framkvæmd hversu öflug þið eruð, sýnið okkur að ykkur er ekki alveg sama.

 

 

Ljósmyndir eftir – Elijah Hiett og Feliepe P. Lima Rizo

 

 

 

 

 

 

2 Comments

Leave a Reply

Your email address will not be published. Required fields are marked *