Kynningarblogg- Kristjana Rúna Kristjánsdóttir

Góðan dag kæru lesendur.

Ég heiti Kristjana Rúna Kristjánsdóttir og er fædd 1983.

Ég bjó fyrstu 5 árin af minni ævi á Íslandi svo fluttum við fjölskyldan til Sviþjóðar, nánar tiltekið til Skövde og vorum þar í 10 ár, svo það má segja að þar ólst ég upp og kláraði grunnskólan, í dag bý ég í Reykjavík.

Èg er yngst af fjórum systrum og á nokkuð náið samband við þær allar.

Ég var svo lánsöm að eignast tvo heilbrigða stráka sem heita, Óliver Logi og Róbert Erik,  ég á örugglega eftir að segja ykkur mikið frá þeim þar sem þeir eru algjörir grallarar, ekki skemmir fyrir hvað þeir eru skemmtilegir.

Ég missti báða foreldra mína úr krabbameini, faðir lést 2006 og móðir 2016.

Ég á margar fallegar minningar um þau bæði og held mikið uppá ljósmyndir og keramik sem móðir mín gerði fallega hluti úr, og prýða heimilið mitt í dag.

Sumir vilja meina að ég hafi fengið listrænu genin hennar móður minnar en þó á öðrum sviðum.

Söngur og tónlist hefur verið viðvarandi í mínu lífi frá ungum aldri, ég sótti söngskólan Eric Uggla í Skövde í 5 ár, lærði þar klassískan söng.

Ætli besti tíminn hafi ekki verið þegar ég var í hljómsveit, æfðum bæði cover og sömdum okkar eigin lög líka, besta útrásin sem ég hef fundið , er í gegnum söng og auðvitað fylgir smá dans með.

Söngurinn á mitt hjarta, ég elska að tjá mig með söng og á eftir að gera meira í sambandi við það í nákominni framtíð.

Ég er með brennandi áhuga á innanhússhönnun líka, sótti námskeiðið Heimili og Hönnun hjá Endurmenntun Háskóla Íslands og lærði þar margt um lýsingu uppstillingu og samsetningu lita á heimilinu.

Ég er reglulega eitthvað að brasa tengt heimilinu, og fáið þið að sjá töluvert af því frá mér.

Ég á mér þó nokkur áhugamál og allt tengist listinni á einn eða annan hátt, nýt þess mikið að njóta náttúrunnar og taka fallegar myndir af henni, set flest á Instagram.

Skrif mín mun vera á breiðum skala, það sem mér finnst áhugavert og vill deila , allt frá foreldrahlutverkinu, heimilið, ferðalög, matur, tíska, snyrtivörur, sigrar, sorgir, og allt það sem lífið hefur upp á að bjóða.

You may also like...

Leave a Reply

Your email address will not be published. Required fields are marked *